Xitayning amérikada turushluq yéngi bash elchisi xitayni sabiq sowét ittipaqigha oxshatmasliqni telep qilghan

Muxbirimiz erkin
2021-09-01
Share

Xitayning amérikada turushluq yéngi bash elchisi ché gang amérikadin xitayni sabiq sowét ittipaqigha oxshatmasliqni, uninggha qilghan mu'amilini qilmasliqni, ikki terepning mesililirini ijabiy hel qilishi üchün téximu köp alaqe qilishini telep qilghan.

Chén gang bu yil 7-ayning axirliri xitayning amérikadiki bash elchilik wezipisini ötküziwalghan idi. Közetküchilerning éytishiche, nöwettiki amérika-xitay munasiwetlirining jiddiylikini nezerde tutqanda, chén gangning bu sözining toni köp yumshaq iken

Chén gang bu sözlerni 31-awghust küni amérikaning sabiq tashqiy ishlar ministiri hénriy késsin'gér, sabiq tramp hökümitining yardemchi tashqiy ishlar ministiri suzan tornton qatarliqlar bilen bille qatnashqan bir tor yighinida éytqan. Chén gang prézidént trampning "Chékidin ashqan" pozitsiyesi ikki terepning munasiwitige ziyan salghanliqi, weziyetning téxiche yaxshilanmighanliqini bildürgen bolsimu, biraq uninggha seweb bolghan amillarni tilgha almighan.

Xitayning jenubiy déngizdiki herkiti, Uyghurlargha qarita irqiy qirghinchiliq qilishi, xongkongliqlarni basturushi, qa'ide-qanun asasidiki xelq'ara tertipni ‍özgertishke urunushi, korona wirusi mesilisi, téxnika oghrilishi, teywen'ge tehdit sélishi qatarliq amillar ikki terep munasiwitining jiddiylishishige seweb bolghan idi.

Chin gang ikki terep munasiwitige ziyan salghan amillarni tüzitish üchün xitay terepning némilerni qilidighanliqini éytmighan. Uning éytishiche, amérikaning "Küchlük orunda" turup, xitayni bir terep qilish arqiliq "Riqabet ewzelliki" ge érishmekchi bolushi, "Xata chot" soqqanliq bolidiken. U "Xitay xelq jumhuriyitining sabiq sowét ittipaqi emesliki", "Sabiq sowét ittipaqining halak bolushi pütünley uning ‍özining herikiti" ikenlikini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet