Xitayda 11 künlük sheher bashliqi parixorluq sewebidin emilidin qaldi

Muxbirimiz méhriban
2016-11-01
Élxet
Pikir
Share
Print

Xitay merkiziy intizam tekshürüsh komitéti torining 31-öktebirdiki xewiridin ashkarilinishiche, lyawning ölkisi téling shehirining sheher bashliqi, sheherlik partkomning mu'awin sékrétari jyang ju xizmetke teyinlinip 11 kündin kéyin, parixorluq qilmishi ashkarilinip xizmitidin qaldurulghan.

Melum bolushiche, jyang ju ilgiri daliyen shehiri jinpu rayoni ishchilar uyushmisining mu'awin partkom sékrétari, ishchilar uyushmisining mu'awin bashliqi qatarliq wezipilerni ötigen bolup, bu yil 10-ayning béshida téling shehirige yötkilip kelgen. 18-Öktebir küni uning téling shehirining sheher bashliqi we qoshumche sheherlik partkomning mu'awin sékrétarliq wezipisige qoyulghanliqi élan qilin'ghan.

11 Künlük sheher bashliqining parixorluq qilmishi seweblik wezipisidin qaldurulghanliqi ashkarilan'ghandin kéyin, xitay tordashliri arisida munazire qozghidi. Bezi tordashlar parixorluqning xitay emeldarlirida tarixtin buyan dawamlishiwatqan en'ene ikenlikini bildürse, yene beziler xitayning nöwettiki bir partiyilik hakim mutleqliq hökümet tüzümi islah qilinmisa, hökümet organliridiki chiriklik we parixorluqning yoqalmaydighanliqini bildürgen.

Toluq bet