Уйғур дияридики хитай әскәрләр "уруш мәшиқи" ни давам қилмақта

Мухбиримиз әзиз
2021-08-10
Share

"хитай хәвәр тори" ниң 10-авғусттики хәвиридә ейтилишичә, тәңритағ вадисида турушлуқ хитай һәрбий қисимлири "3-нөвәтлик һәрбий тәнһәрикәт мусабиқиси" ни башлиған. Хәвәрдә ейтилишичә, үч йүздин артуқ әскәр бу мусабиқигә қатнашқан болуп қариға елиш, муштлишиш вә башқа түрләр бойичә маһарәт көрсәткән. Хәвәрдә буни алаһидә гәвдиләндүрүп "әскәрләр бу мусабиқә арқилиқ һәқиқий мәнидики ‹җәң'ниң тәмини тетиди" дейилиду.

Дуня ‍уйғур қурултийиниң баянатчиси дилшат решит хитай армийәсиниң уйғур дияридики паалийәтлири һәққидә сөз қилип "хитай армийәси шәрқий түркистандики уйғурларни һәрқачан дүшмән, дәп қарайду. Уларниң йоқитиш обйекти дәл мушу ‹дүшмән' дәп қариливатқан уйғурлар" дәйду.

Хитай рәиси ши җинпиң техи йеқинда уйғур дияридики қораллиқ сақчи баш әтрити қармиқидики бир әтрәткә "террорлуққа қарши зәрбидарлар әтрити" дәп нам бәргән һәмдә уларниң уйғурларни бастуруш һәрикитини тәқдирлигәниди.

Хитай мәтбуатлири "шәмшәр әтрәт" дәп аталған алаһидә һәрбий қошунниң бир қетимлиқ вәқәдила 17 қоралсиз уйғурни етип өлтүргәнлики вә көп сандики адәмни тутқун қилғанлиқи, бир офитсерниң бир қетимдила 6 уйғурни етип өлтүргәнликини "қәһриманлиқ" дәп хәвәр тартқатнқаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт