Хитай иқтисади вирус түпәйлидин еғир бузғунчилиққа учримақта

Мухбиримиз әзиз
2022-01-13
Share

Хитай һөкүмити “таҗсиман вирусини нөлгә чүшүрүш” үчүн бирнәччә чоң шәһәрни арқиму-арқидин қамалға алғандин кейин нөвәттики омикрон вариянти сәвәбидин хитайдики тәминат зәнҗириниң еғир зәрбигә учраватқанлиқи барғансери айдиңлашмақтикән.

“блумберг хәвәрлири” ниң 13-январдики хәвиридә ейтилишичә, хитай нопусиниң 87 пирсәнти ваксина әмлигән болсиму хитайда ишләнгән бу ваксиниларниң үнүми бәкла төвән болмақтикән. Йәнә бир яқтин омикрон вирусиниң тарқилиши илгирики һәрқандақ вариянттин тез болғачқа техиму көп шәһәрләрниң йеқин кәлгүсидә қамалға елиниши тәхмин қилинмақта икән. Болупму далийән, тйәнҗин, шенҗен қатарлиқ шәһәрләрдә бу вариянт байқалғандин буян бу әндишиләр техиму ашмақта икән. Буниң биваситә нәтиҗиси хитайдики омумий тәминат зәнҗири вә истемал зәнҗиригә еғир зәрбә болидикән. Нөвәттә “самсуң” (Samsung) вә “алма” ширкәтлириниң хитайдики бир қисим завутлири барғансери кеңийиватқан “қамал” тәдбирлири түпәйлидин тақилип қелишқа йүзләнмәктикән.

“тойота” вә “волкисвагин” ширкәтлириниң тйәнҗиндики завутлири “йерим қамал” тәдбири түпәйлидин мал експорт қилишни тохтатқан. Бу җәһәттин алғанда 2022-йили хитай иқтисадиниң вирус түпәйлидин чекиниши алдинқи йилдикидинму еғир болидиғанлиқи алға сүрүлмәктикән.

“байлиқ” журнилиниң 13-январдики обзорида ейтилишичә, хитайдики қамал тәдбирлири һәрқайси порт шәһәрлиригә кеңәйсә у һалда хитайниң екиспортқа тайинип қалған иқтисади чекинипла қалмастин, дуня миқясидики тәминат зәнҗириму еғир зәрбигә учриши мумкин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт