Бу йил авғуст хитайниң мулазимәт саһәсидә төвәнләш көрүлгән

Мухбиримиз җүмә
2017-09-02
Share

Хитайниң мулазимәт саһәсидики өсүш нисбитидә бу йил авғуст төвәнләш көрүлүп, өсүш нисбити 2016- йили майдин буянқи әң товән чәккә чүшкән.

Хитай һөкүмити елан қилған хам әшя сетивелиш көрсәткүчигә қариғанда, мулазимәт саһәсидики өсүш авғустта төвәнләп, июлдики 54.4 Поинттин авғустта 53.4 Поинтқа чүшкән.

Ройтерста берилгән бир парчә хәвәргә қариғанда, мулазимәт саһәси хитай иқтисадиниң йеримидин көпрәкини тәшкил қилидикән. Хитай даирилири җан-җәһли билән мәбләғ селиш вә експортқа тайинип өзиниң иқтисадий өсүш нисбитини қайта баланс қилишни көзлигән.

Нәтиҗидә хитайниң мулазимәт саһисидә төвәнләш көрүлгән болсиму, ишләп чиқириш саһәсидики сетивелиш көрсәткүчи бу ай алдин пәрәз қилинғанға қариғанда муәййән дәриҗидә өскән.

Хитай елан қилған санлиқ мәлуматларға қариғанда, хитайниң санаәт вә ишләпчиқириш саһәсидики хам әшя сетилиш көрсәткүчи авғустта сәл өскән вә июлдики 51.4 Поинттин өрләп авғустта 51.7 Поинтқа Чиққан.

Әмма CNBC хәвәрләр торида көрситишичә, бу хил өсүшини мәбләғ селиш саһәси вә метал баһасидики өсүш кәлтүрүп чиқарған болуп, бу хил өсүшни давамлаштуруш тәс икән.

Хәвәрдә нәқил елишичә, баш шитаби лондонға җайлашқан “капитал иқтисадшунаслиқ тәтқиқат орни” дики хитай тәтқатчиси җулиян еван мундақ дегән: “завутларниң еһтияҗдин артуқ ишләпчиқириш салмиқини қисқартиш һәққидики гуманлар сода-санаәткә ишлитилидиған һалқилиқ металларниң баһасини үстүрүвәтти. Бизниң пәризимизчә бу өсүштә шу метал баһасидики өсүш әкс етиду.”

У йәнә мундақ дегән: “бу йелиниң йәнә бир чарикидә мәбләғ селиш чиқмиғиға қаритилған сиясәт давамлиқ чиңийдиған болса, мәнчә, санаәт саһәсидә көрүлгән нөвәттики өсүш нисбитини узаққичә сақлап қалмақ интайин тәс.”

Хәвәрдә көрситишичә, японийәдики “номура” тәтқиқат орниму өз анализлирида хитай өй-мүлүк базириниң астилишиға әгишип, хитай иқтисадиниң қәдәмму қәдәм төвәнләйдиғанлиқини көрсәткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт