Америка дөләт мәҗлисидә хитай һөкүмитиниң уйғур елида садир қилған җинайәтлирини тәкшүрүш һәққидә қарар лайиһәси тонуштурулған

Мухбиримиз ирадә
2021-03-25
Share

23-Март күни америка дөләт мәҗлисидики һәр икки партийәгә вәкиллик қилидиған мәҗлис әзалири хитай һөкүмитиниң уйғурларға йүргүзүватқан зулумини әйибләш вә районда елип берилған җинайәтләр үстидин хәлқаралиқ мустәқил тәкшүрүш йүргүзүш һәққидә бир қарар лайиһәси тонуштурған.

Дөләт мәҗлиси тор бетидики уқтуруштин қариғанда, америка дөләт мәҗлиси шәрқий асия ташқий мунасивәтләр комитетиниң әзаси болған мит ромний 23-март күни кеңәш палата әзаси кирис конс, марко рубио, едвард маркей, бил хагерти вә тим кәйн қатарлиқлар билән биллә, хитай һөкүмитиниң уйғур вә башқа аз санлиқ милләтләргә қилған муамилисини әйибләш вә у йәрдә йүргүзүлүватқан хорлаш вә башқа җинайәтләрни тәкшүрүш һәққидә бир қарар лайиһәсини тонуштурған.

Кеңәш палата әзаси ромней мундақ дегән: "хитай коммунистик партийәси шинҗаң уйғур аптоном районидики уйғур вә башқа аз санлиқ милләтләргә ирқий қирғинчилиқ йүргүзүватиду, биз бу қарар лайиһәси арқилиқ уларға қилинған җинайәтләр үстидин хәлқаралиқ тәкшүрүш тәләп қилимиз."

Бу һәқтики баянатта йәнә юқирида исми тилға елинған конс, марко рубийо қатарлиқ кеңәш палата әзалири айрим-айрим сөз қилип, америка һөкүмити вә униң иттипақдашлириниң чоқум уйғурларға йүргүзүлүватқан җинайәтләрни сүрүштә қилиши керәкликини вә хитайниң чоқум җавабкарлиққа тартиши керәкликини тәкитлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт