Хитай компартийәси өз кадирлирини ғәрбниң әхлақ вә қиммәт өлчәмлиригә еғип кәтмәсликкә агаһландурған
2014.07.21
“америка авази” ниң бүгүнки хәвиригә қариғанда, хитай компартийәси мәркизий тәшкилат бөлүми җиддий уқтуруш чиқирип өз кадирлирини ғәрбниң әхлақ вә қиммәт өлчәмлиригә еғип кәтмәсликкә агаһландурған.
Хитай мәркизий тәшкилат бөлүминиң җиддий уқтурушида рәһбирий кадирларниң марксизм етиқадида чиң туруп, хитай миллий роһиниң мустәқиллиқини сақлишини, һәргизму ғәрбниң әхлақ вә қиммәт қарашлириға әл болмаслиқни тәләп қилған.
Көзәткүчиләр хитай компартийәсиниң мәзкур уқтурушиниң икки хил кишиләргә қаритилғанлиқини илгири сүрмәктә. Мәлум болушичә, бу икки хил кишиләрниң бири 18-қурултайдин буян парихорлуқ вә чириклик җинайәтлири билән җазаланған алий дәриҗилик әмәлдарлар болса, йәнә бири хитайдики ғәрб мәдәнийитигә чоқунидиған оттура қатлам кадирлар билән зиялийларни көрситидикән.
Көзәткүчиләр йәнә түнүгүндин буян хитайдики барлиқ һөкүмәт таратқулири улап хәвәр берилгән бу җиддий уқтурушни хитай компартийәсиниң нөвәттики баш ағриқиниң ашкарилиниши дәп қаримақта.
Көп көрүлгән хәвәрләр
RFA
- Мәмәт езиз садиқ түркийә сотида хитай үчүн җасуслуқ қилиш җинайити билән әйиблинип 12 йиллиқ қамаққа һөкүм қилинған
- Түркийә соти тунҗи қетим, әркин абдувәли исимлик уйғурни хитайға қайтуруп бериш қарарини елан қилди
- Қәшқәр пәйзиватта аһалиләр роза тутмайватқанлиқи һәққидә мәсул кадирларға испат йоллашқа мәҗбурланған
- Фирансийә мәтбуатлири: хитайниң дилнур рәйһан үстидин әрз қилиши әдлийә җәһәттин паракәндичилик селиштур
- Ма шиңруй: “американиң шинҗаңға йүргүзгән ембаргоси 144 дин артуқ карханиға тәсир қилди”