‍Уйғур диярида омумйүзлүк һава һуҗумидин мудапиәлиниш маневири өткүзүлиду

Мухбиримиз әзиз
2021-09-14
Share

Өткән йиллардин буян уйғур дияриниң бир қисим шәһәрлиридә "һава һуҗумидин мудапиә көрүш маневири" синақ қилиниватқаниди. 14-Сентәбир күни уйғур аптоном районлуқ һөкүмәт 18-сентәбир күни пүтүн район тәвәсидә бирла вақитта һава һуҗуми һәққидики сигналға инкас қайтуруш маневири өткүзүлидиғанлиқи һәққидә уқтуруш тарқатқан.

"шинҗаң гезити" ниң бу һәқтики хәвиридә ейтилишичә, 18-сентәбир чүш саәт 12 дә өткүзүлидиған бу маневир үрүмчидин хотәнгичә болған барлиқ асаслиқ шәһәрләрдә тәңла өткүзүлидикән. Шундақла кишиләрни буниңдин тәшвишләнмәсликкә, нормал турмуш вә хизмәтни давам қилдурушқа алаһидә җекилигән.

Әмма муһаҗирәттики анализчилар буниңда һәр хил еһтималлиқниң мәвҗутлуқини тәкитлиди. Америкадики мустәқил анализчи илшат һәсән хитай һөкүмитиниң әйни вақитта "совет иттипақи һуҗум қилиду" дегән әндишидә кишиләрни ләхмә колаш вә ләхмиләрдә һава һуҗумидин мудапиәлинишкә тәшкиллигәнликини әслитип, "хитай һөкүмити өзиниң дүшмәнлири бәк көп икәнликини яхши билгәчкә һәрқачан мушу хилдики маневирларға моһтаҗ болуп кәлмәктә" деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт