Da'iriler “Türkistan islam partiyisi” ge ochuq xet élan qilghan xitay öktichini tutup ketken

Xitay saqchi da'iriliri peyshenbe küni xunenlik öktichi jaw féngshingni tutup ketken. Jaw féngshingning yéqinlirining bildürüshiche, saqchilar uning néme üchün tutqun qilin'ghanliqigha chüshenche bermigen bolsimu, biraq bu uning yéqinda türkistan islam partiyisige ochuq xet élan qilghanliqi bilen munasiwetlik bolushi mumkin iken.

Jaw féngshing ochuq xétide eskertip, tyen'enmén hujumida puqralarning ölgenlikidin epsuslinidighanliqi, biraq bu weqeni kompartiyining zorawanliqigha sélishturghanda köp yénik ikenlikini ilgiri sürgen.

Yéqinda türkistan islam partiyisi bayanat élan qilip, 28‏-öktebir“Tyen'enmén hujumi” ni “Jihad herikiti” dep élan qilghan.

Mezkur organ weqege mes'ul ikenlikini ochuq éytmighan bolsimu, biraq xitay tashqi ishlar ministirliqi t i p ning jawabkarliqni üstige alghanliqini élan qilghan.

Jaw féngshing 26‏-noyabir 3 xil tilda élan qilghan ochuq xétini türkistan islam partiyisi rehbiri abdulla mensurgha qaritip yazghan.