Хитай "тутуш буйруқи чүшүргән йүз нәпәр қачқун" дин пәқәт бир нәпири хитайға қайтип өзини мәлум қилған

Мухбиримиз қутлан
2017-03-11
Share


Өз һоқуқидин пайдиллинип парихорлуқ арқилиқ ғайәт зор мал-мүлүк топлиғандин кейин чәтәлгә қечип кетиш иши хитай компартийәсиниң йоқири қатлимидики әмәлдарда даим көрүлидиған һадисигә айланған иди.

Ши җинпиң тәхткә чиққандин буян парихор әмәлдарларға қаттиқ зәрбә бериш долқуни қозғиған болсиму, лекин һарам мал-мүлкини йүдүп чәтәлгә қечип кетидиған һадисиләр техиму көп көрүлмәктикән.

Хәлқ ториниң 10-марттики хәвиригә қариғанда, хитай һөкүмити 2017-йили киргәндин буян "тутуш буйруқи чүшүрүлгән йүз нәпәр қачқун" ни қайтуруп келиш ишини җиддий күнтәртипкә қойған.

Һалбуки, хитай һөкүмитиниң шунчә тиришчанлиқиға қаримай, "тутуш буйруқи чүшүрүлгән йүз нәпәр қачқун" дин аран бир нәпириниң йеқинда америкидин хитайға қайтип өзини мәлум қилғанлиқи мәлум. У тутуш буйруқидики 40-номурлуқ қачқун әмәлдар ваң җяҗе икән.

Хитай гәрчә һазирға қәдәр тутуш буйруқидики йүз нәпәр қачқун әмәлдардин 39 нәпирини қайтуруп кәлгәнликини тилға алған болсиму, лекин уларниң кимлики, қандақ усул қоллинип қайтуруп кәлгәнлики һәққидә мәлумат бәрмигән.

Көзәткүчиләр, хитайдики парихор әмәлдарлариниң чәтәлгә қечип кетиш һадисиси әмәлийәттә уларниң хитай компартийәсиниң хитайда узаққичә һакимийәт сүришигә ишәнмәйдиғанлиқини көрситип бериду, дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт