Америка хитайни пул курсини ғәрәзлик чүшүрүштин сақлинишқа агаһландурди

Мухбиримиз әркин
2015-09-04
Share

20Дөләт малийә министирлиқиниң йиғини җүмә күни түркийәниң әнқәрә шәһиридә ечилди. Хитайниң иқтисадий әһвали вә америкиниң пул сиясити бу қетимқи йиғинда нуқтилиқ музакирә қилинидиған мәсилә.

Йиғинда, америка малийә министири җәк лев, хитай малийә министири лоҗивейға хитайниң пул курсини ғәрәзлик чүшүрмәслики керәкликини тәкитлигән.

Җәк лев, хитайниң пул курсини әркин базар арқилиқ тәңшиши керәкликини әскәртип, пул курсини ғәрәзлик чүшүрүштин сақлинишқа агаһландурған.

Хитай мәркизи банкиси бу йил 11‏-авғуст хәлқ пулиниң курсини 2 % чүшүрүп, хәлқара базарда әндишә қозғиған иди. Фирансийә агентлиқиниң хәвәр қилишичә, җәк лев хитайниң вәдисидә туруп, хәлқ пули курсини базар арқилиқ тәңшәшкә қарап меңишиниң муһимлиқини тәкитлигән.

Җәк лев йәнә, хитайни дадил иқтисади ислаһат елип беришқа чақирған. Фирансийә агентлиқи америка малийә министирлиқи баянатчисиниң сөзни нәқил кәлтүрүп, җәк левниң "иқтисади ислаһат йолида дадил илгириләш хитайни техиму күчлүк, техиму баланс вә техиму юқумлуққа ериштүриду" дегәнликини билдүрди.

Хәлқара пул фонди буниңдин сәл аввал дунядики асаслиқ иқтисади дөләтләрни хитай иқтисадиниң чекиниши пәйда қилидиған ақивәтләрдин һошяр болушқа агаһландурған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт