Хитай путболда күчлүк дөләт болуш үмидини уйғур райониға бағлиди

Мухбиримиз әркин
2015-11-20
Share

Хитай дөләтлик путбол командиси йеқинда хоңкоң билән 0:0 тәңлишип қелип, хитайниң 2018‏-йилдики дуня лоңқиси путбол мусабиқисигә қатнишиш үмиди йоққа чиққандин кейин, у кейинки нөвәтлик дуня лоңқисини талишиш мусабиқисигә қатнишиш үмидини уйғур райониға бағлиған.

“тәңритағ” ториниң илгири сүрүшичә, хитай тәнтәрбийә даирилириниң пилани уйғур путболчилириниң күчини қоллинип, 2022‏-йилдики қатар дуня лоңқиси путбол мусабиқисигә қатнишиш һоқуқини қолға кәлтүрүшкән.

Йеқинда, хитай дөләт кабинети путбол ислаһат-тәрәққият ишханисиниң 6 кишилик бир тәкшүрүш гурупписи уйғур районини зиярәт қилған. Тәкшүрүш гурупписи үрүмчи, қәшқәр, қизилсу қатарлиқ җайларда тәкшүрүш елип берип, яш өсмүр путболчилар, тринерлар, тәнтәрбийә саһәсидики алақидар даириләр билән сөһбәт елип барған.

“тәңритағ” ториниң илгири сүрүшичә, уйғур яш өсмүр путболчилириниң йеқинқи йиллардин буян хәлқара вә мәмликәтлик мусабиқиләрдә еришкән нәтиҗиси хитай тәнтәрбийә даирилириниң диққитини қозғиған.

Мәсилән, үрүмчи 5‏-башланғуч мәктәпниң өсмүрләр командиси йеқинқи 5 йил ичидә 9 қетим мәмликәтлик, 4 қетим хәлқара мусабиқидә чемпийонлуқни қолға кәлтүргән. У, илгири хәлқара үмид лоңқисини талишиш мусабиқисидә җәнубий корейә өсмүрләр командисини 7:0, японийә командисини 2:1 утуп, чемпийонлуққа еришкән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт