Xitay putbolda küchlük dölet bolush ümidini Uyghur rayonigha baghlidi

Muxbirimiz erkin
2015-11-20
Share

Xitay döletlik putbol komandisi yéqinda xongkong bilen 0:0 tengliship qélip, xitayning 2018‏-yildiki dunya longqisi putbol musabiqisige qatnishish ümidi yoqqa chiqqandin kéyin, u kéyinki nöwetlik dunya longqisini talishish musabiqisige qatnishish ümidini Uyghur rayonigha baghlighan.

“Tengritagh” torining ilgiri sürüshiche, xitay tenterbiye da'irilirining pilani Uyghur putbolchilirining küchini qollinip, 2022‏-yildiki qatar dunya longqisi putbol musabiqisige qatnishish hoquqini qolgha keltürüshken.

Yéqinda, xitay dölet kabinéti putbol islahat-tereqqiyat ishxanisining 6 kishilik bir tekshürüsh guruppisi Uyghur rayonini ziyaret qilghan. Tekshürüsh guruppisi ürümchi, qeshqer, qizilsu qatarliq jaylarda tekshürüsh élip bérip, yash ösmür putbolchilar, trinérlar, tenterbiye sahesidiki alaqidar da'iriler bilen söhbet élip barghan.

“Tengritagh” torining ilgiri sürüshiche, Uyghur yash ösmür putbolchilirining yéqinqi yillardin buyan xelq'ara we memliketlik musabiqilerde érishken netijisi xitay tenterbiye da'irilirining diqqitini qozghighan.

Mesilen, ürümchi 5‏-bashlan'ghuch mektepning ösmürler komandisi yéqinqi 5 yil ichide 9 qétim memliketlik, 4 qétim xelq'ara musabiqide chémpiyonluqni qolgha keltürgen. U, ilgiri xelq'ara ümid longqisini talishish musabiqiside jenubiy koréye ösmürler komandisini 7:0, yaponiye komandisini 2:1 utup, chémpiyonluqqa érishken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet