Хитайниң ички қисмида алтә тирилйон долларлиқ қәрзи барлиқи мәлум болди

Мухбиримиз әзиз
2018-10-18
Share

Хитайниң “иқтисадий җәһәттә йеңидин баш көтүргән күч” дәп тәриплинишигә әгишип, бу хил тәрипләштә тилға елинмай кәлгән сәлбий тәрәплириму ашкара болушқа башлиди.

18-Өктәбир күни һәрқайси чоң ахбарат васитилиридә һазирчә хитайниң ички қисмидики йәрлик һөкүмәтләрниң қәрзини җәмлигәндә буниң аз дегәндиму алтә тирилйон америка доллириға йетидиғанлиқи һәққидә мулаһизиләр берилди.

“сода чәмбирики” гезитиниң 18-өктәбирдә елан қилинған бу һәқтики мақалисидә көрситилишичә, америкидики алақидар малийә мутәхәссислири бу һални омумлаштуруп “бу пәқәт бизгә ашкариланған әһвалниң кичиккинә бир парчиси. Бу хил қәрзниң әмәлий миқдари буниңдин нәччә һәссә зор болуши мумкин” дегән.

Мутәхәссисләрниң пикричә, бу ички қәрзниң мутләқ көп қисми йәрлик һөкүмәтләрниң малийә оборотида сақлиниватқан болуп, мәркизий һөкүмәт бу қәрз миқдарини кәлгүсидә иқтисадий вәйранчилиқ көрүлсә сәрп қилиши мумкин икән. Шу сәвәбтин мәркизий һөкүмәт бу хил қәрзниң барғансери зорийип кетишигә ғәрәзлик һалда йол қоймақта икән.

Өткән мәзгилләрдә алақидар мутәхәссисләр бу һәқтә пикир қилип, уйғурлар дияридики сани вә көлими зор дәриҗидә ешип бериватқан “лагерлар қурулуши” ға ғайәт зор мәбләғ сәрп қилиниватқанлиқини, нөвәттә пүткүл уйғур диярида ишләпчиқиришниң тохташ һалитигә чүшүп қалғанлиқини тәкитлигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт