Хитайниң 20-қурултийиға 10 уйғур, 26 хитай вәкил қатнишидикән

Мухбиримиз җәвлан
2022.06.29
Share on WhatsApp
Share on WhatsApp

Хитайчә “тәңритағ” ториниң хәвәр қилишичә, уйғур аптоном районлуқ партком йеқинда партийә вәкиллири йиғини ечип, хитай компартийәсиниң бу йил өткүзүлидиған 20-қурултийиға қатнишидиған вәкилләрни сайлап чиққан.

Йиғинда җәмий 43 нәпәр вәкил сайланған болуп, әркин имир бақи, әркин туняз, шавкәт имин қатарлиқ 10 нәпәр уйғур буниң ичигә киргән. Ма шиңрүй қатарлиқ хитай вәкиллири 26 нәпәргә йәткән, қазақ, таҗик, моңғул, шевә, хуйзу(туңган) 7 нәпәр болған.

Хәвәрдә “бу вәкилләр партийә ичидики демократик сайлам арқилиқ вуҗудқа кәлди, қаидә-низамға вә мәркәзниң тәлипигә уйғун болди” дейилгән. Әмма буларниң ахирқи һесабта “партийә 20-қурултийи вәкиллириниң салаһийитини тәкшүрүш комитети” тәрипидин бекитилидиғанлиқи әскәртилгән.

Юқириқи 43 вәкил ичидики 26 хитай бу райондики уйғур қатарлиқ милләтләрниң партийә вәкиллириниң омумий саниниң бир һәссисигә тоғра кәлгән болуп, аталмиш уйғур аптоном районниң әмәлийәттә хитайниң бир өлкисигә айланғанлиқи очуқ аян болған. BBC Хитайчә торида 2018-йил елан қилинған “хәлқ қурултийи вәкиллири йиғининиң йепилиш мурасими: ши җинпиң партийәниң һәммигә рәһбәрлик қилидиғанлиқини тәкитлиди” намлиқ обзурда көрситилишичә, ши җинпиң барлиқ һоқуқни аллибурун хитай секритарлириниң қолиға толуқ мәркәзләштүргән болуп, һоқуққа еришкәнләр асасән милләтчи хитайлардин тәшкил тапқан. Хитай һөкүмити кейинки йилларда “миллий территорийәлик аптономийә” сияситини тамамән чөрүвәткән болуп, пәқәт бир қисим “миллий кадирлар” ни вәкил қилип қалдуруп қойған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт