Éiyjing saqchiliri pichaqliq hujumchini étip yarilandurdi

Muxbirimiz méhriban
2015-09-08
Share


8 - Séntebir béyjing chawyang rayonidiki bir yolda yüz bergen pichaqliq hujum we saqchilarning hujumchini étip yarilandurush weqesi xelq'ara metbu'atlarning diqqitini tartti.

Xitayning shinxu'a shinxu'a agéntliqining bu heqtiki xewiride, pichaqliq hujumchining 29 yashliq xéylungjyangliq er ikenliki, u bir ademni öltürüp, bir ademni yarilandurghandin kéyin, saqchilar tutmaqchi bolghanda qarshiliq körsetkenliki üchün étip yarilandurulghanliqi xewer qilindi. Emma xewerde mezkur pichaqliq hujum qilish weqesining sewebi tekshürüliwatqanliqi tilgha élinip, weqe heqqide tepsiliy melumat bérilmidi.

Chet'el taratquliridin roytérs agéntliqining bügün bérilgen "Béyjing saqchiliri bir pichaqliq hujumchini étip yarilandurdi" serlewhelik xewiride, weqening awat bazarda yüz bérishi kishilerde wehimilik keypiyatni kücheytiwetkenliki tilgha élin'ghan. Roytérs agéntliqining xewiride, yéqinqi birqanche yildin buyan xitayda pichaqliq hujum weqelirining köpiyip qalghanliqi we bu xil weqelerning adem toplashqan ammiwi sorunlarda yüz bériwatqanliqi eskertilip, 2014 - yili 1 - mart künming poyiz istansisida yüz bergen 31 kishining ölüshini keltürüp chiqargha pichaqliq hujum we bashlan'ghuch mektep oqughuchilirigha qilin'ghan pichaqliq hujum weqeliri neqil élin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet