Amérika fédératsiye xewerlishish komitéti (FCC) xitay igidarchiliqidiki yene ikki télégraf-xewerlishish shirkitini chekligen

Muxbirimiz irade
2022.03.17
Share on WhatsApp
Share on WhatsApp

Amérika fédératsiye xewerlishish komitéti (FCC) xitay igidarchiliqidiki yene ikki télégraf-xewerlishish shirkitining amérika bazirida tijaret qilishini chekligen.

Roytérs agéntliqining xewer qilishiche, 16-mart charshenbe küni bu organ xitayning “Tinch okyan tori” we uning igidarchiliqidiki tarmaq shirkiti bolghan “ComNet” ning amérikada kishilerni dölet ichi we xelq'ara mulazimet bilen teminlishini chekligen.

Bu heriket amérika fédératsiye xewerlishish komitétining xitayning amérika alaqe toridiki yoshurun jasusluqidin saqlinish üchün qollan'ghan bir yürüsh heriketlirining eng yéngisi bolup hésablinidiken. Ilgiri u xitayning lyentong dep atilidighan “Birleshme xewerlishish shirkiti” we shundaqla “Xitay téligrafi amérika” shérkitini chekligen idi. Bundin bashqa amérika yene xu'awéy we jongshing télégraf shirketlirining üskünilirinimu chekligen.

Amérika fédératsiye xewerlishish komitétining re'isi jéssika rosénworsél bu heriketlerning amérikada tor we uchur-alaqe bixeterlikige kapaletlik qilishni meqset qilghanliqini bildürgen.

Halbuki, xitay tashqiy ishlar ministirliqining bayanatchisi jaw lijyen buni eyiblep: “Amérika xitay shirketlirining hoquqini depsende qildi, bu xelq'ara soda qa'idilirige xilap,” dep jar salghan.

Xitayning xewerlishish shirketliri we ularning üskünilirining amérika dölet bixeterlikige tehdit ikenliki 2018-yili bir qisim amérika dölet mejlis ezaliri teripidin otturigha qoyulghan idi. Bu amérika dölet organlirini xitayning xu'awéy shirkiti we jongshin shirkiti ishlepchiqarghan téléfon we bashqa üskünilerni ishlitishtin cheklesh heqqidiki bir qanun layihesi élan qilghandin kéyin, xu'awéy qatarliq xitay shirketlirining dölet bixeterlikige peyda qilidighan xewpi heqqidiki munazirilermu kücheygen we netijide bu shirketler cheklen'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet