Җәнубий корийә сәнәт ширкитиниң уйғурларни бастурушқа четишлиқ хитай ширкити билән һәмкарлишиши қаршилиққа учриған

Мухбиримиз әркин
2020-11-27
Share

Җәнубий корийәдики даңлиқ бир сәнәт ширкитиниң уйғурларни бастурушқа четишлиқ бир хитай техника шеркити билән һәмкарлишидиғанлиқини елан қилиши җәнубий корийәлик сәнәт мәстанилириниң қаршилиқиға учриған. «Җәнубий хитай әтигәнлик почтиси» гезитиниң 25-ноябир хәвәр қилишичә, җәнубий корийәлик сәнәт мәстанилири җәнубий корийәниң даңлиқ чолпан K-поп сәнәт гурупписидики ехо, NKT, шине, дәриҗидин ташқири яшлар, қиз әвлатлар қатарлиқ яш-өсмур сәнәт гуруппилирини «MS сәнәт ширкити» гә байқут елан қилишқа чақирған.

Һалбуки, «MS сәнәт ширкити» чолпан K-поп гурупписидики юқириқи яш-өсмур сәнәт гуруппилириниң қоллиғучиси икән. Хәвәрдә байқут чақириға бу ширкәтниң яш-өсмур сәнәтчиләргә бәргән муаши шундақла униң хитай тәхнологийә ширкити «кеда шүнфей» билән һәмкарлишидиғанлиқини елан қилиши сәвәб болғанлиқини билдүргән.

«Кеда шүнфей» хитайниң уйғур илида дигитал назарәт системиси қуруп, уйғурларни тәқиб қилиш вә бастурушиға ярдәм бериш билән әйиблинип кәлгән. Америка сода министирлиқи 2019-йили шу сәвәблик бу ширкәтни «қара тизимлик» кә киргүзгән. «Җәнубий хитай әтигәнлик почтиси» гезитиниң билдүрүшичә, «MS сәнәт ширкити» бу йил 10-ноябир «кеда шүнфей» билән һәмкарлишидиғанлиқини елан қилған икән. Шу күндин башлап тивиттерда «MS сәнәт шеркити» ни байқут қилиш һәркити қозғалған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт