Хитай "дөләт бихәтәрлики" гә зиян салған шәхсләрни вә "терорлуқ һәрикәлири" ни сот сиртида сотлашни йолға қойған

Мухбиримиз әркин
2021-03-01
Share

Хитай һөкүмити хитайниң "җинайи ишлар дәва қануни" ға түзитиш киргүзүп, "дөләт бихәтәрлики" гә зиян салған шәхсләрни вә "терорлуқ һәрикәтлири" ни гумандар чәт әлдә болсиму, сот сиртида сотлайдиғанлиқини елан қилған. Хитай мәркизи телевизийә истансисиниң хәвәр қилишичә, хитай алий сот мәһкимиси мәзкур қанун маддисиға чүшәнчә бәргән болуп, бу мадда 1-марттин башлап рәсми иҗра қилинидикән. Хитай даирилириниң бу қарари көзәткүчиләрниң диққитини қозғиған.

Уларниң қаришичә, бу мадда чәт әләдики лагер шаһитлирини, аилә әзалириниң из-дерикини қиливатқан уйғур муһаҗирлирини, шуниңдәк уйғур тәшкилатлирини вә паалийәтчилирини "терорлуқ" билән әйибләп келиватқан хитайниң "терорлуқ" ни йәнә сүйиистемал қилип, чәт әлдики халиған уйғурни "терорлуқ" билән сотлап җинайәт бекитиши вә хитайға қайтуруп беришни тәләп қилиши үчүн "қануний асас" һазирлайдикән. Хитай мәркизи телевизийә истансисиниң хәвиридә буниң чәт әлгә қечип кәткән парихорлуқ, хиянәнчилик делолириниму өз ичигә алидиғанлиқини билдүргән.

Мәлум болушичә, хитайниң бу қетимқи "җинайи ишлар дәва қануни" ға түзитиш киргузуш маддиси йәнә җинайи җавапкарлиқ яш чеклимисини 12 яшқа төвәнләткән, шуниңдәк дөләт байриқи, дөләт гриби, дөләт марши қатарлиқларға "һақарәт" қилған шәхсләрни җазалашқа алақидар конкирет тәпсилатларни өз ичигә алған икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт