Хитайниң сүрийәдики әлчихана бинаси минамйот зәрбисигә учриди


2013-09-30
Share

Хитайниң сүрийәдики әлчихана бинаси бүгүн исянчилар һуҗумниң зәрбисигә учриған. Ройтрисниң бу һәқтики хәвиридә баян қилинишичә, исянчилар атқан бир минамйот дәмәшиқтики хитай әлчиханиси бинасиға тоғра келип, әлчиханиниң ишик вә деризилири чеқилған; әлчихана хизмәтчилиридин бири йеник яриланған.

Бүгүн хитай ташқи ишлар баянатчиси бу һәқтә тохтилип вәқәдин чөчигәнликини вә уни қаттиқ әйибләйдиғанлиқини ейтқан. Хәвәрләрдин мәлум болушичә, дәмәшиқтики хитай әлчиханиси әл малики дәп атилидиған аһалиләр райониға җайлашқан болуп, бу районға җайлашқан ирақ әлчиханиси билән русийә әлчиханисиму өткән вә униң алдидики һәптиләрдә һуҗумға учриған.

Хитай билән русийәниң сүрийәдә исян башланғандин буян бәшәр әсад һөкүмитини яқилап келиши вә б д т бихәтәрлик кеңишиниң бәшәр әсад һакимийитигә һәрбий җаза қоллинишини тосуп келиши, сүрийәдә тохтавсиз қан еқишиға сәвәб болуватқан вә исянчи қошун вә тәрәптарлириниң ғәзипини қозғап келиватқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт