Хитай җ х министири «терорлуқ вә бөлгүнчиликкә қәти зәрбә беридиғанлиқи» һәққидә җар салди

Мухбиримиз әзиз
2018-04-19
Share

Уйғур дияридики сиясий вәзийәт барғансери еғирлап меңиватқанда пүткүл хитай бойичә чақирилған җамаәт хәвпсизлики (җ х) органлириниң телевизор йиғинида хитай җ х министирлиқиниң министири җав кеҗи сөз қилған.

«Америка авази» ниң бу һәқтики хәвиридә көрситилишичә, 16-апрел күни чақирилған бу йиғинда җав кеҗи «биз түрлүк сиңип кириш вә бузғунчилиқ қилиш һәркәтлиригә қәти зәрбә беришимиз, зораванлиқ вә терорлуқ қилмишлириға, миллий бөлгүнчиликкә, диний әсәбийликкә қарши еғишмастин күрәш қилишимиз лазим,» дегән. У йәнә бу һәқтики мәсилиләрни «әң дәсләпки бих һалитидила чиң тутуш лазим,» дәп көрсәткән.

Хәвәрдә алаһидә қилип хитай һөкүмитиниң өткән бирнәччә йилда уйғурларға болған контроллуқни һәссиләп күчәйткәнлики, адәм вә машиниларни көзитиш апаратлири арқилиқ көзитишни ишқа ашурғанлиқи, қан әвришкиси, ген әвришкиси қатарлиқларни көпләп топлаватқанлиқи, бу йил болса үрүмчи метросида кимлик арқилиқ беләт елишни йолға қоймақчи болуватқанлиқи баян қилинған.

Анализчилар бу һәқтә пикир қилип, «хитай җ х министириниң терорлуқ, бөлгүнчилик вә диний әсәбийликкә қарши туримиз, дегини уйғурларни бастурушни күчәйтимиз дегәнликтур. Чүнки бу һадисиләр изчил уйғурларға бағлинишлиқ болуп кәлмәктә,» деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт