Хитай бимәнә ахбарат елан қилиш йиғинлири ечип, өз җинайәтлирини инкар қилишқа урунмақчи болғанлиқи илгири сүрүлмәктә

Мухбиримиз җәвлан
2021-04-07
Share

Сахта тәшвиқатлирини тохтимай базарға селип, уйғурларға йүргүзүп келиватқан қәбиһ җинайәтлирини инкар қилиш билән аварә болуватқан хитай һөкүмити чәт әл таратқулириниң нәзәридин қечип қутулалмиған.

"хәвәрләр" тори бәргән бир мәлуматқа қариғанда, хитайниң америка вә австралийәдә турушлуқ әлчиханилири һәр түрлүк ахбарат елан қилиш йиғинлири ечип, "хитайниң уйғур районидики сияситиниң яхши икәнлики, уйғурларниң тинч, хатирҗәм, бәхтлик яшаватқанлиқи, ғәрб таратқулириниң сиясий ғәрәз үчүн уйғур вәзийитини бурмилап көрситидиғанлиқи" һәққидә давраң селишқан.

Хитай ташқи ишлар министирлиқиму көп қетим ахбарат елан қилиш йиғини ечип, аталмиш уйғур шаһитларни сөзлитип, хитай һөкүмитиниң җинайәтлирини инкар қилғузуп кәлгәниди. Хитай һөкүмити буниңлиқ билән қалмай, чәт әлдики әлчиханилиринму ялған тәшвиқат җеңигә чақирған.

Чаршәнбә күни (7-феврал) хитайниң кәнберрада турушлуқ әлчиханиси австралийәлик мухбирларни тәклип қилип, хитайниң уйғур районидики қилмишлирини ақлаш паалийити өткүзгән. Хитайниң баш әлчиси бу бимәнә "ахбарат елан қилиш йиғини" да уйғурларниң зулумға учримиғанлқини, мухбирларниң "һәқиқий әһвал" ни игилиши үчүн ярдәм бериватқанлиқини ейтқан.

Анализчиларниң қаришичә, хитай өзиниң иқтисадий күчи вә тәсири билән башқа дөләтләрни қайил қилалишиға ишәнгинидәк, бу тәшвиқат җеңидиму ғәлибә қилишиға ишиниду. Әмма хитай бәзи дөләтләрни ялған тәшвиқатиға ишәндүрәлисиму, һәқиқәтни көрүп йәткән вә кишилик һоқуқни үстүн орунға қойидиған ғәрб дөләтлирини ишәндүрәлмәйду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт