Хитай һөкүмити уйғур дияридики һәқләрниң кепилликкә игә икәнликини давраң салди

Мухбиримиз әзиз
2022.05.31
Share on WhatsApp
Share on WhatsApp

Дуня ахбарат саһәси бирләшкән дөләтләр тәшкилати (б д т) кишилик һоқуқ алий кеңишиниң рәиси мишел бачелетниң уйғур дияридики “сахта зиярити” вә йеңидин ашкара болған лагерлар һәққидики сақчи һөҗҗәтлирини көпләп хәвәр қиливатқанда хитай һөкүмитиму буниңға қарши бир қатар тәшвиқатларни башлимақтикән.

Хитай һөкүмити башқурушидики “хитай хәвәр тори” ниң 29-майдики хәвиридә ейтилишичә, уйғур дияридики даириләр 2016-йилидики “террорлуққа қарши күрәш” тә оқ тегип өлгән сақчилардин ғәйрәт мамутни қайтидин тәшвиқ қилиш арқилиқ өзлириниң “террорлуққа қарши туруватқанлиқи” ни тәкитлимәкчи болған. Хәвәрдә ейтилишичә, әйни вақитта 47 яшқа киргән ғәйрәт мамут шу вақиттики гума наһийәлик сақчи идарисиниң муавин башлиқи болуп, хитай һөкүмити “террорчи” дәп атиған кишиләрниң оқида өлгән. Шуниңдин кейин хитай һөкүмити гума наһийәсидә униңға атап хатирә өй қурған һәмдә наһийәдики гөдәк оқуғучиларни униңдин өгинишкә чақирған. Шундақла ғәйрәт мамутниң қизини алаһидә тәрипләп униң дадисиға варислиқ қилип хитай сақчиси болғанлиқини “муқимлиқ вә тәрәққиятқа төһпә қошуш” дегән.

Хәвәрдә өткән 26 йил ичидә нәччә йүз сақчиниң әнә шу хил йосунда өлгәнликини әскәртиш арқилиқ өзлириниң “террорлуқ вә ашқунлуқ” қа қарши турушиниң зөрүр вә йоллуқ икәнликини пәш қилған. Шуниңдәк “өткән бәш йилда қайта тәрбийәләш арқилиқ бу хилдики террорлуқ вә ашқунлуқ қилмишлириниң йүз бериш нисбити нөлгә чүшти. Әмма ғәрбтики дүшмән күчләр йәнила бизгә төһмәт чаплаватиду” дегән. Шундақла һазир уйғур диярида барлиқ һәқләрниң қанун бойичә толуқ капаләткә игә қилинғанлиқини тәкитлигән. Һалбуки техи йеқинда паш болған “шинҗаң сақчи һөҗҗәтлири” намидики лагер һөҗҗәтлири хитай һөкүмити ейтиватқан “террорлуқ буюмлири” ниң җәйнамаз, тәсви, “қуран” дегәнләр икәнликини, “тәрбийәләш мәркизи” дегән орунларниң әң қаттиқ башқурулидиған түрмиләрдинму қабаһәтлик муәссәсәләр икәнликини көрсәткәниди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.