Xitayda 100 ming tonna 40 yilliq tong gösh bayqaldi

Muxbirimiz jüme
2015-06-28
Share


Xitay da'iriliri xitaygha etkes qilip élip kérilgen 100 ming tonna 40 yilliq kona tong göshlerni qolgha chüshürgen.

BBC Ning 26 - iyun xewer qilishiche, 3 milyard yüen qimmitidiki bu göshler pütün xitay boyiche élip bérilghan tazilash herikitide yighiwélin'ghan.

Bu göshlerning 800 tonnisi xitayning xunen ölkiside qolgha chüshken. Xewerde neqil qilishiche, xunendiki mezkur heriketke qatnashqan bir hökümet xadimi mundaq dégen: ishikini achqinimda göshler sésip, shundaq purap ketkenki qusuwetkili tasla qaldim.

Bu xildiki göshler gu'angshi ölkisidinmu qolgha bayqalghan. Gu'angshidiki musadire qilin'ghan göshler 1970 - yili tonglitilghan iken.

Melum bolushiche, bu göshlerning köpinchisi biraziliye, wiyétnam qatarliq döletlerdin xongkong arqiliq etkes qilip ekirilgen.

Xewerlerge qarighanda, bu göshler kala we toxu göshi bolup, bular esli xitaydiki talla bazarliri we réstoranlargha tarqitilmaqchi iken.

Da'iriler bu etkeschilik délosigha alaqidar 21 gumandarni qolgha alghan.

Bu göshlerning Uyghur éli bazirigha kirgüzülgen - kirgüzülmigenliki melum emes.

Yéiqniqi yillardin buyan xitayda, jümlidin Uyghur élide gösh bahasi hessilep örlep ketken. Gösh bahasi Uyghur élidimu ötken bir nechche yildin buyan peqet töwenlimigen bolup, baha bu nöwetlik ramzanning alida yene bir nechche yüen örligen idi.

Xitayda yémek - ichmek bixeterliki ezeldin éghir mesililerning biri bolup kelgen. Ötken yili xitay bazarlirida chashqan göshidin yasalghan saxta "Qoy göshliri" bayqalghanliqi xewer qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet