Хитай уйғур елигә 17 милярд доллар мәбләғ селишни пилан қилған

Мухбиримиз җүмә
2016-03-06
Share


Хитай уйғур елигә 17 милярд доллар мәбләғ селишни пилан қилғанлиқини ашкарилиған.

Шинху ахбаратиниң көрситишичә, хитай даирилири бу нөвәт уйғур елигә салмақчи булған мәбләғ хизмәт пурсити яритиш, өй қурулуши, йеза игилики вә наратлиқтин қутулдуруш қатарлиқ түрләргә ишлитилидикән.

Хәвәрдә бу мәбләғләрниң асаслиқ қайси вилайәт - наһийәләргә мәркәзләштүрүлидиғанлиқи конкретини көрситүлмигән.

Ройтерста бу һәқтә берилгән хәвәрдә көрситишичә, хитай һөкүмити районда йиллардин буян йүз бериватқан тоқунушлардики мәсулийитини тонушниң орниға, тонушларни районда "шәрқий түркистан" мустәқил дөлитини қурушқа урунуватқан исламчи қораллиқ гуруппиларға дөңгәп кәлгән.

Хәлқара кәчүрүм тәшкилати қатарлиқ кишилик һоқуқ органлири йиллардин буян елан қилип келиватқан доклатлирида хитай һөкүмити уйғурларға қаратқан тил, дин вә маарип сиясәтләрниң уйғурларниң наразилиқиға сәвәб болуватқанлиқи, униңдин башқа уйғур елидики иқтисадий мәнпәәтләрдин йәрликләрниң сиртта қалдурулуватқанлиқини көрситип кәлгән иди.

Шинхуа агентлиқиниң хәвәр қилишичә, даириләр өткән 6 йил җәрянида уйғур елигә йәнә 600 милярд йүән мәбләғ салған.

Ройтерс бу һәқтики хәвиридә, һөкүмәт даирилиниң йәнә райондики мәсилиләрниң иқтисадий тәрәққият билән мунасивәтлик икәнликини көрситип, буни пул билән һәл қилишқа тиришиватқанлиқини баян қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт