Хитай өзбекистандин газ импорт қилмиди

Мухбиримиз үмидвар
2015-04-05
Share


Хитай 2015 - йили киргәндин буян өзбекистандин тәбиий газ импорт қилмайватқан болуп, буниң сәвәби билдүрүлмигән.

Пәрғанә тори "нефттранс.Ру" торидики бу һәқтики учур асасида хәвәр тарқатқан. Әслидә йеқинқи йиллардин буян өзбекистан билән хитайниң тәбиий газ саһәсидики һәмкарлиқи ашурулған болуп,русийәниң хәвәрләр агентлиқи хитайниң 2015 - йили өзбекистандин 10 милярд куб метирғичә тәбиий газ импорт қилмақчи болғанлиқини хәвәр қилған иди. 2013 - Йили хитай өзбекистандин 6 милярд куб метир газ импорт қилған. Немә сәвәбтин хитайниң 2015 - йили өзбекистандин тәбиий газ импорт қилмиғанлиқи қизиқиш қозғимақта. Пәрәз қилинишичә, нөвәттә хитай билән түркмәнистан вә қазақистанниң тәбиий газ алақиси техиму күчәйгән болуп, түркмәнистан хитайниң асаслиқ тәбиий шерикигә айланған. Түркмәнистанниң 2015 - йили хитайға чиқиридиған тәбиий газ миқдари 47 % ашқан. 2014 - Йили түркмәнистан хитайға 26 милярд куб метир газ бәргән. 2020 - Йилиға кәлгәндә һәр йили 65 милярд куб метир тәбиий газ беришни пиланлиған.

Нөвәттә, оттура асия райониниң хитайниң асаслиқ енергийә базисиға айланғанлиқи билдүрүлмәктә. Украина кризиси түпәйлидин русийәниңму хитай билән болған енергийә һәмкарлиқини ашурушқа вә күчәйтишкә тиришиватқанлиқи мәлум.

Техи йәқинда қазақистан баш министири мәсимоф бейҗиңни зиярәт қилип, қазақистан вә хитай арисидики енергийә, рәңлик метал содисини күчәйтишкә пүтүшкән иди һәм бу нөвәт қазақситан билән хитай арисида 30 нәччә келишим имзаланған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт