Хитайдики таҗисиман вируси йеңидин юқури пәллигә чиқмақта

Мухбиримиз әзиз
2021-11-03
Share

Хитай һөкүмити изчил өзлириниң таҗисиман вирусини толуқ контрол қилғанлиқини ейтип келиватқан болсиму, лекин йеқиндин буян мәлум болуватқан учурлар хитайдики вирус вәһимисиниң барғансери өрләватқанлиқини көрсәтмәктә икән.

Ройтерс агентлиқиниң 2-ноябирдики хәвиридә ейтилишичә, хитайда өткән үч айдин буянқи таҗисиман вирусиниң тарқилиш нисбити әң юқури пәллигә йәткән болуп, бейҗиң шәһиридә келәр һәптә чақирилмақчи болған хитай компартийәси мәркизий комитети сиясий бйорусиниң йиғини үчүн бир чоң баш ағриқи пәйда қилмақта икән. Хитай һөкүмити елан қилған санлиқ мәлуматта көрситилишичә, 2-ноябирниң өзидә йеңидин 93 йеңи бимар байқалған болуп, өткән бирнәччә айдин буянқи әң йеңи рекорд яритилған.

Бейҗиң шәһиридики һәрқайси сода сарайлири, меһманханилар вә метро бекәтлиридә кишиләрниң температуриси өлчинидиған болуп, йәрлик даириләр аһалини имкан қәдәр башқа җайларға саяһәткә бармаслиққа, той-төкүн яки ‍өлүм-йитим дегәндәк көп адәм йиғилидиған паалийәтләрни кечиктүрүшкә дәвәт қилмақта икән. Айродромлардики авиятсийә қатнишиниң йеримидин көпрәки алиқачан әмәлдин қалдурулған. Техиму муһими нөвәттә бу вирусниң хитайниң һәммила өлкисидә дегүдәк тохтимастин байқилип туруши келәр һәптә ечилмақчи болған хитай компартийәси мәркизий комитетниң йепиқ йиғинида ши җинпиңниң давамлиқ рәис болуши муқимлишиштәк реаллиққа охшашла, һәр саһә кишилирини вәһимигә салмақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт