نوبېل مۇكاپاتى ساھىبلىرى يىللىق يىغىنىنى بىكار قىلىش ئارقىلىق خىتايغا نارازىلىق بىلدۈردى

مۇخبىرىمىز ئىرادە
2014-09-25
Share

بىر قىسىم نوبېل مۇكاپاتى ساھىبلىرى جەنۇبىي ئافرىقا ھۆكۈمىتىنىڭ دالاي لاماغا ۋىزا بەرمىگەنلىكىگە نارازىلىق بىلدۈرۈش يۈزىدىن ھەر يىلى بىر قېتىم بۇ دۆلەتتە ئۆتكۈزۈلۈپ كېلىۋاتقان يىللىق يىغىنىنى بىكار قىلغانلىقىنى جاكارلىدى.

بىرلەشمە ئاگېنتلىقىنىڭ خەۋەر قىلىشىچە، نوبېل تىنچلىق مۇكاپاتىغا ئېرىشكەن ئاياللار تەرىپىدىن تەشكىللەنگەن «نوبېل ئاياللىرى ھەرىكىتى» ناملىق تەشكىلاتنىڭ يىغىنى بۇ يىل 13-ئۆكتەبىردىن 15-ئۆكتەبىرگىچە جەنۇبىي ئافرىقىنىڭ كەيپ توۋن شەھىرىدە ئۆتكۈزۈلمەكچى ئىدى. بىراق، ئۇلار بۈگۈن ئېلان قىلغان باياناتىدا، خىتاي ھۆكۈمىتىنىڭ دالاي لامانىڭ ئەركىن ساياھەت قىلىشىنى چەكلەش ئۈچۈن ھەرقايسى دۆلەتلەرگە بېسىم ئىشلىتىۋاتقانلىقىنى ۋە جەنۇبىي ئافرىقا ھۆكۈمىتىنىڭمۇ خىتاينىڭ ئارزۇسى بويىچە ئىش كۆرگەنلىكىنى تەنقىد قىلغان.

دالاي لاما جەنۇبىي ئافرىقىدا ئۆتكۈزۈلىدىغان 14-نۆۋەتلىك خەلقئارا نوبېل تىنچلىق مۇكاپاتى ساھىبلىرىنىڭ ئۇچرىشىشىغا قاتنىشىش ئۈچۈن تەكلىپ قىلىنغان ئىدى. بىراق، ئۇنىڭ ۋىزا تەلىپى رەت قىلىنغان. بۇ، جەنۇبىي ئافرىقا دائىرىلىرىنىڭ 5 يىل ئىچىدە دالاي لامانىڭ ۋىزا تەلىپىنى 3-قېتىم رەت قىلىشى بولۇپ ھېسابلىنىدۇ.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت