Йүннәндә һөкүмәт хадимлирини гөрүгә еливелиш вәқәси йүз бәргән

Бүгүн йүннәнниң пуниң наһийисидики бир кәнттә аһалиләрниң һөкүмәт хадимлирини гөрүгә еливелиш вә сақчилар билән тоқунуш вәқәси йүз бәргән.

Хитайчә б б с ниң бүгүнки бу һәқтә бәргән хәвиридә баян қилинишичә, һөкүмәт вәқә чиққан кәнттә бир саяһәт райони бәрпа қилмақчи болған; бу пиланға нарази болған бир түркүм аһалиләргә вакалитән әрз сунуватқан кәнттики икки нәпәр адвокат алдинқи күни сақчилар тәрипидин тутқун қилинған.

Буниңға нарази болған аһалиләрдин 200гә йеқин киши түнүгүн мәзкур кәнткә хизмәт үчүн кәлгән 10 нәччә һөкүмәт хизмәтчисини қоршивелип гөрүгә еливалған вә тутулған икки адвокатни қоюп беришни тәләп қилған. Аһалиләр гөрүгә елинғанларни қутқузушқа кәлгән сақчилар билән тоқунушқан; тоқунушта 30 нәччә киши яриланған вә 10 нәччә машина уруп чеқиветилгән.

Аһалиләр бүгүн чүш мәзгилидила гөрүгә елинғанларни қоюп бәргән. Охшаш вәқә ақсуниң айкөл йезисидиму роза һейтниң һарпа күни йүз бәргән. Айкөлдики вәқәдә аһалиләр хитай сақчилирини қоршавға елип икки нәпәр тутқунни қоюп беришни тәләп қилған. Хитай тәрәп 500кишилик бу аммиға қарита оқ чиқирип вәқәни қанлиқ шәкилдә бир тәрәп қилған.