Хитай уйғур елида дөләт хәвпсизлики тәрбийәси тәшвиқат паалийити башлиған

Хитай һөкүмитиниң уйғурларға қаритиватқан ирқий қирғинчилиқи хәлқарада күчлүк наразилиқ қозғаватқан бир пәйттә, хитай даирилири уйғур елида “дөләт хәвпсизлики тәрбийәси тәшвиқат паалийити” ни қанат яйдурған.

“тәңритағ” ториниң хәвиридин қариғанда, мәзкур һәрикәт һәрқайси җайлар, һәрқайси тармақларда омумиййүзлүк елип бериливатқан болуп, бу арқилиқ “кәң амминиң дөләт хәвпсизлики еңини күчәйтип, хәвп-хәтәрниң алдини елиш вә униңға тақабил туруш иқтидарини өстүрүлди,” дейилгән.

Хәвәрдә йәнә мундақ дийилгән: “бу тәшвиқат һәрикитидә кишиләргә асасий қанун, дөләт хәвпсизлики қануни, терроризмға қарши туруш қануни, җасуслуққа қарши туруш қануни, тор бихәтәрлики қануни қатарлиқ қанун-низамлар зор күч билән тәшвиқ қилинди. Дөләт хәвпсизликидә һәммә кишиниң мәсулийити бар, дәйдиған қоюқ кәйпият яратти.”

Чәт әлләрдики уйғур көзәткүчиләрниң қаришичә, хитайниң уйғур елида омумиййүзлүк һалда дөләт хәвпсзликини қоғдаш тәрбийәси йүргүзүши униң уйғурларға йүргүзүватқан ирқий қирғинчилиқи сәвәбидин хәлқарада осал әһвалға қелиши билән зич мунасивәтлик болуп, у хитайниң уйғур елидики контролини йоқитип қоюш әндишисини намайән қилидикән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар