Yaponiye xitay ayropilanini tosush üchün küreshchi ayropilan chiqardi

Yaponiye peyshenbe küni sénkaku arili hawa tewelikige qarap uchqan bir xitay ayropilanining aldini tosush üchün küreshchi ayropilanlirini ishqa saldi.

Yaponiye dölet mudapi'e ministirliqidin bérilgen melumatta éytilishiche, peyshenbe küni xitaygha tewe “Y_12” tipliq ayropilan sénkaku ariligha qarap uchqan. Emma yaponiye küreshchi ayropilanliri uning aldini tosqandin kéyin aralning hawa tewelikige kirmey keynige qaytishqa mejbur bolghan.

Oxshash waqitta yeni yaponiye waqti etigen sa'et 7:00 etrapida xitayning 3 déngiz charlighuchi kémisi yaponiyining utsori arallirigha yéqin déngiz tewelikige kirip, ikki sa'ettin kéyin rayondin ayrilghan.

Xitayning peyshenbe künidiki bu herikiti uning yéqindin buyan dawam qiliwatqan bu xil urunushlirining dawami hésablinidu. Oxshash weqe aldinqi aydimu yüz bergen we yaponiye sénkaku hawa tewelikige üsüp kirgen xitay ayropilanini tosush üchün küreshchi ayropilan chiqarghan idi.