Sabiq xitay komandiri yaponiyege agahlandurush bergen

Muxbirimiz jüme
2013.11.06

Yaponiye bash weziri yaponiye hawa tewelikige ruxsetsiz kirgen herqandaq ayropilanlarni étip chüshürüsh buyruqi bergendin kéyin, sabiq xitay komandiri obzor élan qilip, eger shundaq bolsa urush partlaydighanliqi heqqide agahlandurush bergen.

Yaponiye bash weziri shinzo abé bu yil 26-öktebir hawa armiye qisimlirigha eger yaponiye hawa tewelikige ruxsetsiz kirip, agahlandurushlargha perwa qilmighan uchquchisiz ayropilanlar qatarliqlarni étip chüshürüsh buyruqi bergen.

Nenjing herbiy rayonidin pénsiyige chiqqan komandir wang xonggu'ang 6-noyabir “Yershari waqit géziti” de élan qilghan obzorida eger shundaq bolsa xitayningmu herbiy inkas qayturidighanliqini bildürgen. U mundaq dégen: yaponiye ayropilanlirigha hujum qilish yaponiyege qayturulghan eng kichik derijidiki inkas tur.

Wang xonggu'ang yene yaponiye bash weziri shinzo abéni rohiy jehettin teyyar bolushqa chaqirghan.

Sénkaku arili nöwette yaponiyening kontrolluqida bolup, xitaylar buni “Dyawyü arili” dep ataydu.

Bu yil séntebirde mezkur aral tewelikide igisi éniq bolmighan uchquchisiz ayropilanlar bayqalghandin kéyin, yaponiye terep küreshchi ayropilanlarni ishqa sélip inkas qayturghan.

Sénkaku mesilisi yaponiye-xitay diplomatiyisidiki nazuk we keskin témilarning biri bolup kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.