Téd kruz: "Xitay qamaqxanilirida hélihem kommunizmning zulumini chékiwatqanlar bar"

Muxbirimiz shöhret hoshur
2017-11-29
Share

Amérika dölet mejlisining ezasi, jumhuriyetchiler partiyesining sabiq prézidént namzati téd kruz yéqinda qatnashqan "Kommunizm qurbanlirini xatirilesh yighi" nida ötken esirde insaniyetke ghayet zor balayi'apet élip kelgen kommunizmning hélihem ziyankeshlikini dawam qiliwatqanliqini bayan qildi.

Amérika dölet mejiliside 3 kün dawam qilghan mezkur yighinda téd kruz komunizmning hazirgha qeder 100 milyon insanning jénigha zamin bolghanliqini tilgha élish bilen birlikte, nöwette dunyada her 5 kishidin birining kommunist réjimining zorawanliqi astida yashawatqanliqini tekitlidi.

Xitayche "Büyük éra" gézining bu heqtiki xewiride bayan qilinishiche, téd kruz sözide ötmüshtiki kommunizm paji'eliri qatarida léninninng qizil térorini, stalinning chong tazilash herikitini we maw zédongning "Medeniyet zor inqilabi" ni eslep ötken. Shuning bilen birlikte nöwette kommunizm paji'esi dawam qiliwatqan döletler qatarida shimaliy koréyening emgek bilen özgertish meydanliri, kubaning türmiliri we xitayning tutup turush merkezlirini tilgha alghan.

Amérika hökümiti yéqinda 7‏-noyabir künini "Memliketlik kommunizm qurbanlirini xatirilesh küni" qilip békitken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet