Хитай 2014-йилидиму тор әркинлики әң начар дөләтләр қатаридин орун алди

Мухбиримиз ирадә
2014-12-04
Share

Хитай тор әркинлики әң начар дөләтләр қатаридин орун алди. Әркинлик сарийи пәйшәнбә күни елан қилған 2014-йиллиқ тор әркинлики доклатида хитай тор әркинлики әң начар дөләтләр қатариға киргүзүлди.

Доклатниң хитайға аит қисмида, ши җинпиңниң интернет торини идеологийә күриши қилидиған нишанға айландуруш билән биргә, интернет бихәтәрликини башқуридиған органниң башлиқи болуш арқилиқ биваситә һалда интернет әркинликигә қол тиқиватқанлиқи тилға елинған.

Униңда йәнә, хитай һөкүмитиниң вәқә чиққан мәзгилләрдә уйғур елида тор-учур алақисини пүтүнләй кесивәткәнлики вә уйғур зиялийси илһам тохтиниң тор бетидики паалийәтлири үчүн җазаға һөкүм қилғанлиқи баян қилинған.

Әркинлик сарийиниң 2014-йиллиқ доклатида ейтилишичә, хитайниң интернет әркинлики йилдин-йилға кәйнигә чекиниватқан болуп, у иран, итиопийә, сүрийә, сәуди әрәбистан, вийетнам вә өзбекистан қатарлиқ 9 дөләт билән охшаш орунға тизилған.

Америка, канада, австралийә, японийә, исландийә, германийә, истонийә, фирансийә вә италийә қатарлиқ 9 дөләт болса интернет әң әркин дөләтләр болуп баһаланған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт