Хитай баш министири хитайни ишсизлиқ кризисиға петип қелиштин агаһландурған

Мухбиримиз җәвлан
2022-05-10
Share

Хитай баш министири ли кечияң хитайниң вирус сәвәбидин иқтисадта чекингәнликини һәмдә буниңдин кейин ишсизлиқ кризисиниң еғир болидиғанлиқини оттуриға қойған.

CNN Ториниң хәвәр қилишичә, ли кечияң бу ишсизлиқ кризисини “мурәккәп һәм қийин вәзийәт” дәп атиған. Хитай һөкүмитиниң санлиқ мәлуматиға қариғанда, хитайдики 31 шәһәрдә 3-айдики ишсизлиқ нисбити тарихта юқири пәллигә йәткән. Хитай һөкүмити хусусий карханиларға зәрбә берип, дөләт карханилирини йөлигән; буниң билән ишсизлар техиму көпәйгән. Нөвәттә дөләт карханилири вә чоң ширкәтләрниң адәм қисқартиши давамлиқ көпәймәктә икән.

Хитай һөкүмити алдинқи айда “вирусни пүтүнләй йоқитиш сиясити” йүргүзүп, хитайниң әң чоң иқтисад мәркизи болған шаңхәйни вә башқа бәзи шәһәрләрни қамал қилип, иқтисадта еғир чекиниш пәйда қилғаниди, һалбуки хитай рәиси ши җинпиң бу сиясәтни давамлиқ йолға қойидиғанлиқини билдүргән. Бундақ болғанда, хитай иқтисади техиму хараплишип, ишсизлиқ әвҗ алидикән.

Хәвәрдә тәһлил қилинишичә, хитай иқтисадий вәйран болуп, ишсизлар көпиийип кәтсә хитай һөкүмитиниң мәвҗутлуқиму хәвпкә учрайдикән. Шундақтиму хитай рәиси җинпиң чоң шоарларни товлап, өз һоқуқини мустәһкәмләш билән аварә болидикән. Ли кечияң қатарлиқлар хитай һөкүмитиниң орнини сақлап қелиш үчүн алди билән бу ишсизлиқ мәсилисини һәл қилишқа мәҗбур болидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт