Хитай даирилири муһит булғинишини тосуш үчүн 700 дин ошуқ кишини тутқун қилған

Мухбиримиз ирадә
2017.01.12
Share on WhatsApp
Share on WhatsApp

Ройтерс агентлиқиниң хәвәр қилишичә, хитайниң шинхуа агентлиқи бүгүн тарқатқан хәвиридә хитайда 2016- йили ичидә муһитни булғиғанлиқи үчүн 720 кишини қолға алғанлиқини, пәқәт бейҗиң шәһириниң өзидила 22 милйон сомға йеқин җәриманә қоюлғанлиқини билдүргән.

Хәвәрдә йәнә, бейҗиң даирилириниң 97 милярд сомға ярайдиған 11 иш қурулушини муһитқа көрситидиған тәсирини ойлишип қалдуруп қойғанлиқи, 10 миңдин ошуқ аптомобилниң һәддидин зиядә газ қоюп бәргәнлики үчүн җазаланғанлиқи хәвәр қилинған.

Хитайдики еғир муһит булғиниши пүтүн дуняниң диққитини қозғаватқан бир мәсилә. Хитай һөкүмити 3 йилниң алдида дуняға муһит булғиниши билән күрәш қилидиғанлиқи һәққидә вәдә бәргән иди. Бирақ, елинған тәдбирләр хәлқара органлар тәрипидин йетәрлик вә үнүмлүк әмәс, дәп қаралмақта. Америкидики “йәр шариви тәһдитләрни байқаш” тәтқиқат оргини алдинқи һәптә елан қилған бир мақалисидә, хитайдики муһит булғиниши вә нәтиҗидә кәп чиққан чөллишишниң дөләтниң екологийиси, иқтисадий вә сиясий муқимлиқиға зор тәһдит пәйда қиливатқанлиқини билдүргән вә буниңға сәвәб болған муһим амилларни хитай һөкүмитиниң илгири йолға қойған хата сиясәтлири вә чириклик дәп көрсәткән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт