Муһит булғиниши хитай вә һиндистанда әң көп җан алған

Мухбиримиз ирадә
2017-02-14
Share

Америкидики “саламәтлик вә тәсир институти” намлиқ бир сәһийә оргини елан қилған статистика рәқәмлиридин қариғанда, дуняда 2015-йили ичидә муһит булғиниши 4 милйондин ошуқ кишиниң балдурла һаятидин айрилишиға сәвәб болған болуп, уларниң 2.2 Милйони хитай вә һиндистанда икән.

Ройтерс мухбирлири хитайниң сәһийә министирлиқиға телефон қилип, хитайда муһит булғиниши сәвәблик 1.1 Милйон адәмниң өлгәнлик һәққидики бу рәқәмләргә қандақ қарайдиғанлиқини соримақчи болған болсиму, һечқандақ җавабқа еришәлмигән. Бирақ хитай сәһийә министирлиқи бу йил январда бәргән бир баянатида, хитайдики муһит булғинишини етирап қилсиму, әмма униң кишиләрниң саламәтликигә көрситиватқан тәсиригә баһа бериш үчүн техи бәк балдур” дегән иди.

Ройтерс агентлиқиниң ейтишичә, америкидики бу сәһийә оргини 195 дөләт үстидә елип барған тәкшүрүшлири вә йеңи байқашлар нәтиҗисидә юқиридики рәқәмни елан қилған болуп, бу дуня сәһийә тәшкилати 2013-йили елан қилған рәқәмдин хелила юқири икән. Әйни чағда дуня сәһийә тәшкилати дуня миқясида 3 милйон кишиниң муһит булғиниши сәвәблик өлгәнликини елан қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт