Xitay 2015-yili zhurnalistlar eng köp qamaqqa élin'ghan dölet bolup bahalandi

Muxbirimiz irade
2016-01-07
Share

Xelq'ara muxbirlarni qoghdash komitéti dunya miqyasi boyiche muxbirlar eng köp ziyankeshlikke uchrighan döletler tizimlikini élan qildi.

Charshenbe küni élan qilin'ghan tizimlikke asaslan'ghanda, xitayda jem'iy 49 neper zhurnalist türmide yétiwatqan bolup, xitay zhurnalistlarni qamashta dunya boyiche birinchi orunda turidiken. Misir 23 neper bilen ikkinchi orunda turidiken. Xelq'ara muxbirlarni qoghdash komitéti bu ikki döletni "Muxbirlar üchün eng nachar döletler" dep bahalighan.

Élan qilin'ghan tizimlikte xitayda türmide yétiwatqan zhurnalistlar ichide ekber imin, atikem rozi, abduqéyum ablimit, mutellip imin, shöhret nijat, perhat xalmurat, ilham toxti, gheyret niyaz, nijat azad, niyaz qahar, gülmire imin, tursunjan hézim, memetjan abdulla we ekberdin jamal qatarliq 14 neper Uyghurning ismi tilgha élin'ghan.

Muxbirlarni qoghdash komitétining éytishiche, 2015-yili ichide dunya boyiche jem'iy 71 zhurnalist xizmiti sewebidin hayatidin ayrilghan, 199 nepiri türmige tashlan'ghan. 2015-Yili zhurnalistlar eng köp ziyankeshlikke uchrighan 4-yil bolup hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet