Chégrasiz muxbirlar teshkilati: 2015 yili xitayda 23 muxbir türmide

Muxbirimiz méhriban
2015-12-29
Share

Merkizi firansiyening parizh shehiridiki chégrasiz muxbir teshkilati 29-dékabir seyshenbe küni élan qilghan 2015-yilliq doklatida, bu yil dunya boyiche türmige qamalghan 153 muxbirning 23 nepiri xitayda ikenlikini, 22 nepirining misirda ikenlikini bildürdi.

Doklatta yene pütkül yer shari boyiche 110 neper muxbirning ziyankeshlikke uchrap ölgenliki, ularning ichide 63 nepirining muxbirliq qiliwatqanda ölgenliki, 34 nepirining ölüsh sewebi éniq emesliki élan qilin'ghan.

Doklatta yene 2015-yilda jeng meydani rayonliridin iraqta 11 neper, we süriyede 10 neper muxbirning öltürülgenliki, firansiye 2015-yili 1-ayda yüz bergen "Charliz heptilik zhurnili" hujum weqeside 8 muxbirning öltürülgenliki, hindistanda 9 muxbirning qestke uchrap ölgenliki alahide tilgha élinip, birleshken döletler teshkilatini tedbir qollinip, muxbirlarning hayati bixeterliki we xewer erkinlikining kapaletke ige qilinishi kérekliki, mexsus xelq'araliq muxbirlarni qoghdash qanuni chiqirilishi kérekliki tekitlen'gen.

Bu yil 15 dékabir küni amérikining nyu-york shehiridiki muxbirlar teshkilatimu 2015-yilliq doklatini élan qilghan bolup, en'gliye b b s agéntliqining doklattin neqil élip körsitishiche, 2015-yili 1-yanwardin 1-dékabirghiche erkinlikidin mehrum bolghan muxbirlar sani dunya boyiche 199 neper, ulardin 153 nepiri türmige qamalghan, 46 nepiri tutqun qilin'ghan. Bularning ichide xitayda tutqun qilin'ghan muxbirlarning sani dunya boyiche 1-orunda turidighan bolup, xitay hökümiti teripidin resmiy qamaqqa höküm qilin'ghanlar 23 neper, bashqa namlarda tutqun qilin'ghan muxbirlar 26 neper bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet