Gu'angdung hökümet da'iriliri puning namayishini “Hökümetni qorshiwélish herikiti” dep eyiblidi

Muxbirimiz méhriban
2015.12.25

24-Dékabir küni gu'angdungning puning shehiride 30 ming kishilik naraziliq namayishi yüz bergendin kéyin, 25-dékabir küni gu'angdung hökümet da'iriliri bayanat élan qilip, weqeni “Hökümetni qorshiwélish herikiti” dep eyiblidi.

Puning sheherlik hökümet axbarat ishxanisi 25-dékabir küni tarqatqan omumi uqturushida “24-Dékabir küni 100 din artuq kishi puning sheherlik partkom we mekteplerni qorshiwélip, puqralarni erz qilishqa, hökümetke hujum qilishqa qutratquluq qilghandin kéyin, puning sheherlik saqchi idarisi derhal heriketke kélip, weqeni tinchitti” dep körsetken.

Halbuki erkin asiya radi'osi qatarliq xelq'ara taratqular igiligen uchurlarda, 10 kündin buyan gu'angdung ölkisi puning shehiridiki puqralarning sheherde qurulmaqchi bolghan exlettin tok hasil qilish zawutigha qarshi naraziliq herikiti élip bériwatqanliqi, 24-dékabir küni namayishchilar sani ulghiyip, 30 mingdin éship namayishchilar bilen ularni basturushqa ewetilgen saqchilar otturisida toqunush yüz bergenliki, saqchilarning basturushida 100 nechche adem yarilinip 10 nechche adem tutqun qilin'ghanliqi, saqchilarning namayishchilargha közdin yash aqquzush bombiliri we oq atqanliqi qatarliq ehwallar ashkarilan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.