Гуаңшидики зәнҗирсиман партлаш вәқәсиниң гумандариниң ақивити һазирға қәдәр ениқ әмәс

Мухбиримиз әркин
2015-10-01
Share

Хитай ахбарати, гуаңши җуаң аптоном райониниң лючең наһийәсидики зәнҗирсиман партлаш вәқәсиниң гумандари вей йиңйоң исимлик шәхсниң ақивити һазирға қәдәр ениқ әмәсликини билдүрди.

Гуаңҗу "җәнубий астана гезити"ниң ашкарилишичә, вей фамилилик гумандар җуаң миллитидин болған 33 яшлардики бир киши болуп, униң хоңкоң вә макавға саяһәт қилиш йол хети һәм паспорти бар икән.

"җәнубий астана гезити" хәвиридә, вей фамилилик гумандарниң 2014‏-йили 12‏-айниң 1‏‏-күни тайланд дөлитигә чиқип, шу йили 7‏-декабир қайтип кәлгәнликини илгири сүргән.

Хәвәрдә йәнә, вей фамилилик гумандарниң лючең наһийәсидики бир таш кенида партлатқуч буюмларни сақлаш хадими болуп ишләйдиғанлиқини, униң аяли шу канниң бихәтәрлик хадимини икәнликини илгири сүргән.

Хитай ахбарати илгири вей йиңйоңниң роһий кесили барлиқи, униң өч елиш ғәризидә бу партлашни пиланлиғанлиқини илгири сүргән болсиму, бирақ алақидар тәрәпләр бу пикирни "реаллиққа бәк уйғун әмәс"дәп рәт қилған.

Нөвәттә, сақчи тәрәп партлашни "җинайи дело, террорлуқ һуҗум әмәс" дәп бекиткән болсиму, бирақ гумандарниң бундақ зор партлашни пиланлаштики ғәризи мәлум әмәс. Чаршәнбә күни йүз бәргән зәнҗирсиман партлаш вәқәсидә 7 адәм өлгән, 51 адәм яриланған. Бәзи хәвәрләрдә, 2 адәмниң из дерики йоқлуқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт