Мәбләғ салғучилар һәрқайси ширкәтләрни уйғур дияридики вәзийәттин агаһландурди

Мухбиримиз әзиз
2021-03-30
Share

Ғәрп дунясидики һәрқайси чоң ширкәтләргә мәбләғ салғучи динй вә иҗтимаий гуруппилар тушму-туштин һәрқайси ширкәтләргә уқтуруш йоллап, уларни уйғур диярида давам қиливатқан зулум вә һәқләр дәпсәндичиликидин йирақ турушқа буйруди.

Ройтерс агентлиқиниң 30-марттики хәвиридә ейтилишичә, 50 нәччә чоң мәбләғ саһиби уйғур дияри билән бивастә сода алақисида болуватқан 40 нәччә ширкәткә, җүмлидин H&M, Hugo Boss, Zara қатарлиқларға өзлириниң тәминат зәнҗирини қайтидин тәкшүрүш буйруқи чүшүргән. Мәзкур гуруппиниң программа директори анита дорет ханим бу һәқтә сөз қилип "биз бу ширкәтләргә мәбләғ салған икәнмиз, бу мәбләғниң саплиқиға кепиллик қилишимиз лазим" дегән.

Мәлум болушичә, хитайдики истималчилар қошуни ғәрп дунясиниң хитайға қарши имбарго қоюшиға өзлириниң наразилиқ мәйданини ипадиләш үчүн мәҗбурий әмгәккә четишлиқ, дәп қариливатқан бир йүрүш даңлиқ маркиларни байқут қилған. Әмма нөвәттики тәминат зәнҗирини тәкшүрүш буйруқи бу ширкәтләрни бу һәқтики әһвалларни ашкара қилишқа бивастә үндимәктә икән. Мәбләғ салғучиларниң бу җәһәттики имтиязи нөвәттә техиму көп ширкәтләрни уйғур дияри билән болған иқтисадий алақини қайтидин ойлишишқа қистимақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт