Meblegh salghuchilar herqaysi shirketlerni Uyghur diyaridiki weziyettin agahlandurdi

Gherp dunyasidiki herqaysi chong shirketlerge meblegh salghuchi diny we ijtima'iy guruppilar tushmu-tushtin herqaysi shirketlerge uqturush yollap, ularni Uyghur diyarida dawam qiliwatqan zulum we heqler depsendichilikidin yiraq turushqa buyrudi.

Roytérs agéntliqining 30-marttiki xewiride éytilishiche, 50 nechche chong meblegh sahibi Uyghur diyari bilen biwaste soda alaqisida boluwatqan 40 nechche shirketke, jümlidin H&M, Hugo Boss, Zara qatarliqlargha özlirining teminat zenjirini qaytidin tekshürüsh buyruqi chüshürgen. Mezkur guruppining programma diréktori anita dorét xanim bu heqte söz qilip "Biz bu shirketlerge meblegh salghan ikenmiz, bu mebleghning sapliqigha képillik qilishimiz lazim" dégen.

Melum bolushiche, xitaydiki istimalchilar qoshuni gherp dunyasining xitaygha qarshi imbargo qoyushigha özlirining naraziliq meydanini ipadilesh üchün mejburiy emgekke chétishliq, dep qariliwatqan bir yürüsh dangliq markilarni bayqut qilghan. Emma nöwettiki teminat zenjirini tekshürüsh buyruqi bu shirketlerni bu heqtiki ehwallarni ashkara qilishqa biwaste ündimekte iken. Meblegh salghuchilarning bu jehettiki imtiyazi nöwette téximu köp shirketlerni Uyghur diyari bilen bolghan iqtisadiy alaqini qaytidin oylishishqa qistimaqta iken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar