Америка ташқи ишлар министири антони блинкен хитайға тақабил туруш истратегийәсини оттуриға қойидикән

Мухбиримиз җәвлан
2022.05.04
Share on WhatsApp
Share on WhatsApp

Америка ташқи ишлар министири антони блинкен 5-май пәйшәнбә күни америка һөкүмитиниң хитайға қаритидиған йеңи сиясити, йеңи истратегийәсини елан қилидикән.

“сиясәтчи” журнилиниң хәвиридин мәлум болушичә, антони блинкен пәйшәнбә күни америка һөкүмитиниң хитай истратегийәсини әтраплиқ чүшәндүридикән. Буниңға диққәт қиливатқан мутәхәссисләр “америка һөкүмитиниң йеңи сиясити асасән сабиқ президент трампниң хитайға қолланған сияситиниң давами, байден һөкүмити пәқәт униңға бәзи тәдбирләрни қошқан, шуңа бу һөкүмәтниң хитайға пәвқуладдә еғир сиясәт йүргүзүшидин чоң үмид күткили болмайду” дәп пәрәз қилишмақта икән.

Антони блинкен җорҗ вашингтон университетида сөзләйдиған бу нутқида америка һөкүмәт органлири, чәтәл һөкүмәтлири вә хитайда һакимийәт йүргүзүватқан хитай компартийәсигә қоллинилидиған сиясәт вә тәдбирләрниң йол хәритиси һәм дипломатийә нишанини ениқ баян қилидикән. Бу йиғиндин кейинла америка билән шәрқий асия дөләтлириниң учришиши башлинидикән. Президент җов байден бу айда корейә, японийә, австралийә вә һиндистан дөләт башлиқлири билән көрүшидикән.

Хәвәрдә көрситилишичә, америка һөкүмитиниң хитай истратегийәси америка билән хитай рәиси ши җинпиң башчилиқидики хитай компартийәсиниң мунасивәтлиригә зич бағланған болуп, бу йил 2-айда елан қилинған “һинди-тинч окян истратегийәси” дә “американиң мәқсити хитайни өзгәртиш әмәс, бәлки истратегийәлик муһитни өзгәртиш, тәсир күчләр тәңпуңлуқини сақлаш. Бу, америка вә униң иттипақдашлириға пайдилиқ” дейилгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.