Хитайға омумйүзлүк зәрбә бериш америка дөләт мәҗлиси әзалириниң ортақ арзусиға айланған

Мухбиримиз җәвлан
2021-04-21
Share

Хитайниң дуняви тәһдити йилдин йилға ешип бериватқан вә хитай бу туюқ йолдин янмайватқан вәзийәттә америка дөләт мәҗлис әзалири хитайға омумйүзлүк зәрбә беришниң тәхирсизликини тонуп йәткән.

Ройтрес агентлиқиниң хәвәр қилишичә, дөләт мәҗлисидики демократлар вә җумһурийәтчиләр бир нәччә һәптә сөһбәтлишип, американиң хитайға тақабил туруш иқтидарини күчәйтишкә даир қанун лайиһилирини музакирә қилған вә бу қанун чаршәнбә күни мақуллинидикән.

Америка кеңәш палатаси ташқи мунасивәт комитети әзалири "2021-йиллиқ истратегийәлик риқабәт қануни" тоғрулуқ музакириләшкән һәмдә униң түзитилгән лайиһәсиниму ойлашқан. Америка дөләт мәҗлисидики демократларға ярдәмчи болуп ишләватқан бир хадимниң мухбирға билдүрүшичә, һәр икки партийәдин болған дөләт мәҗлиси әзалири хитай вә һинди-тинч окян райони мәсилисидә юқири дәриҗидә бирликкә кәлгән. Ташқи мунасивәт комитет әзалири йәнә дөләт мәҗлисигә 150 нусха түзитилгән қанун лайиһәси сунған. Мәзкур лайиһә кеңәш палата әзаси чак шумер бу йил 2-айда елан қилған "тез йол" лайиһәсиниң бир қисми болуп, униңда хитайға қарши турушқа мунасивәтлик бир қатар маддилар орун алған.

Ройтрес агентлиқи 8-апрел 280 бәтлик қанун лайиһәсиниң бәзи тәпсилатлирини ашкарилиған болуп, булар хитай билән болидиған иқтисадий риқабәт, инсанпәрвәрлик, демократик қиммәт қараш, мәсилән уйғурларға йүргүзүлүватқан ирқий қирғинчилиқни чәкләш үчүн униңға җаза йүргүзүш, хоңкоңдики демократийә һәрикитини қоллаш қатарлиқларни өз ичигә алидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт