خوڭكوڭ نامايىشچىلىرى بىلەن ھۆكۈمەت ئوتتۇرىسىدىكى سۆھبەت نەتىجىسىز ئاخىرلاشتى

مۇخبىرىمىز مېھرىبان
2014-10-21
Share

21-ئۆكتەبىر سەيشەنبە كۈنى ئۆتكۈزۈلگەن خوڭكوڭ نامايىشچىلىرى بىلەن ھۆكۈمەت ئوتتۇرىسىدىكى سۆھبەت 2 سائەت داۋاملاشقان بولۇپ، خەلقئارا مەتبۇئاتلاردا سۆھبەتنىڭ نەتىجىسىز ئاخىرلاشقانلىقى ئىلگىرى سۈرۈلمەكتە.

خىتاينىڭ ھۆكۈمەت خەۋەرلىرىدە خوڭكوڭ يەرلىك ھۆكۈمىتىنىڭ نامايىشچى ئوقۇغۇچىلار بىلەن ئۆتكۈزگەن سۆھبەتتە «پرىنسىپال مەسىلىلەردە ئوخشىمىغان قاراش مەۋجۇت بولسىمۇ، لېكىن ئىككى تەرەپ سۆھبىتىدە ئورتاق نۇقتىلار بارلىققا كەلگەن» لىكى تەكىتلەندى. ئەمما نامايىشچى ئوقۇغۇچىلار ۋەكىللىرى خەلقئارا مەتبۇئاتلارغا بەرگەن باياناتىدا «سەيشەنبە كۈنى ئۆتكۈزۈلگەن سۆھبەتتىن ئۈمىدسىزلەنگەنلىكى»نى بىلدۈرگەن.

رادىئويىمىزنىڭ خوڭكوڭدىن بەرگەن خەۋىرىدىن مەلۇم بولۇشىچە، سۆھبەتتىن كېيىن خوڭكوڭدىكى نامايىشچى ئوقۇغۇچىلار ۋەكىلى مۇخبىرلارغا بايانات بېرىپ، ئۇلار ئوتتۇرىغا قويغان تەكلىپلەرنى دائىرىلەر قوبۇل قىلمىغاچقا، سۆھبەتنىڭ نەتىجىسىز ئاياغلاشقانلىقىنى بىلدۈرۈپ، ئوقۇغۇچىلارنىڭ نامايىشنى يەنە داۋاملاشتۇرۇشنى قارار قىلغانلىقىنى ئېلان قىلغان.

21-ئۆكتەبىر كۈنى خوڭكوڭ نامايىشى 24-كۈنىگە قەدەم قويغان بولۇپ، نامايىشنىڭ تەرەققىياتى ۋە خوڭكوڭ ۋەزىيىتى يەنىلا خەلقئارانىڭ دىققەت نۇقتىسى بولماقتا.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت