Миңлиған хоңкоңлуқ хоңкоңға толуқ демократийә тәләп қилди

Мухбиримиз җүмә
2015-07-01
Share

1-Июл, йәни хоңкоң хитайға қайтуруп берилгән хатирә күни миңлиған хоңкоңлуқ намайиш қилип, хоңкоңға толуқ демократийә тәләп қилди вә хоңкоң валийсини истепа беришкә чақирди.

Бәзи намайишчилар хоңкоң мустәқиллиқини тәләп қилип "хоңкоң бир дөләт" дегәндәк шоарлар йезилған плакатларни көтүрүшкән болса, бәзлири хоңкоңниң британйә дәвргә тәвә байриқини ләпилдитишни.

Намайишчиларниң йәнә көпинчиси "хоңкоң күнлүк һәрикити" ниң символи болған сериқ күнлүкләрни көтүрүшкән иди.

Намайишчилар бултур күздә бир нәччә аввал давам қилип аяғлашқан күнүк һәрикитиниң техи түгимигәнлики, һәрикәт көзлигән мәқсәткә йәтмигәчкә йәнә давам қилидиғанлиқини билдүрди.

Намайишчилар рәһбири җошва воң: "лияң җенйиң тәхтни бошат", "шәһиримизниң кәлгүсини қолимизға елип, демократик хоңкоң қуруп чиқайли" дәп варқириди.

Бу қетимлиқ намайиш хитай вә хоңкоң рәһбәрлири хоңкоңниң хитайға өткүзүп берилгәнликини хатириләп байрақ чиқириватқан мәзгилдә елип берилди.

Бүйүк британйә 1997-йили 1-июл хоңкоңни хитайға қайтуруп бәргән. Хитай әйни чағда аталмиш "бир дөләттә икки хил тузум болуш" сияситини тонуштуруп, хоңкоңниң әслдики демократик түзүмни өзгәртмәйдиғанлиқини вәдә қилған. Һалбуки шуниңдин кейин хоңкоң демократийәси бара-бара кәйнигә чекинип, хоңкоңлуқларни әндишигә салған.

Өткән йили сентәбирдин башлап нәччә онмиң хоңкоңлуқ намайишчи кочиларни игиләп 25-ноябирғичә намайиш қилған, әмма намайиш нәтиҗидә қазиналмиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт