Хотән айрудурумидики "милйон адәм қетим" лиқ йолучилар кимләр?

Мухбиримиз әзиз
2021-01-05
Share

"шинҗаң гезити" ниң 4-январдики хәвиридә ейтилишичә, 2020-йили ичидә хотән айрудуруми җәми бир милйон адәм қетимдин артуқ йолучиға хизмәт қилған болуп қәшқәр, ақсу вә корла айрудумлиридин кейин милйон адәм қетимлиқ мулазимәт өткилини бөсүп өткән йәнә бир айрудурум болуп қалған.

Хәвәрдә ейтилишичә, хотән айрудурумида район ичи вә сиртиға қарита күнигә 22 нөвәт айрупилан қатнайдиған болуп, күнлүк йолучи тошуш миқдари төт миңға йеқинлашқан.

Әмма хотән райони билән яхши тонушлуқ болған анализчилар бу һәқтә пикир қилип; "уйғурлар бир мәһәллидин йәнә бир мәһәллигә бериш үчүн йол хети елиши лазим болуватқанда бунчә көп уйғурниң айропиланда меңиши мумкин әмәс. Шүбһисизки буларниң һәммиси хотән райониға ‹алтун чайқаш' үчүн келиватқан вә кетиватқан хитай хоҗайинлардур" деди. Йәнә бәзиләр болса өткән йили хотән районидин миңлап уйғур яшлириниң таҗсиман вируси әң ямриған хитай өлкилиригә айрупиланлиқ йөткәлгәнликини әскәртип "милйонларчә сандики бу йолучилар арисида қанчилик уйғур ишләмчиләрниң мәҗбурий әмгәк үчүн йөткиливатқанлиқиға бирнәрсә дегили болмайду" деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт