Хитайниң аталмиш "мәркәзниң кадир вә мутәхәссисләр ярдәм қошуни" үрүмчигә кәлди

Мухбиримиз әзиз
2020-09-22
Share

Хитай һөкүмитиниң ончи түркүмдики аталмиш "шинҗаңға ярдәм беришкә атланған кадир вә мутәхәссисләр қошуни" 21-сентәбир күни үрүмчигә йетип келип, үч йиллиқ хизмәтни башлиди.

Хитай һөкүмити башқурушидики шинхуа агентлиқиниң 22-сентәбирдики хәвиридә ейтилишичә, хитай мәркизи һөкүмити һәрқайси орунлардин таллап әвәткән 579 кадир "шинҗаңниң һәр тәрәплимә хизмәтлиригә ярдәм бериш" дегән намда ишқа чүшидикән. Улар асаслиқи маарип, пул-муамилә, теббий ишлар, пән-техника қатарлиқ саһәләргә орунлаштурулидикән. Хәвәрдә ейтилишичә, буниңдин сәл илгири "шинҗаңға нишанлиқ ярдәм бериш" намида төт миңдин артуқ хитай кадир уйғур дияриға йетип кәлгәникән.

Хәвәрдә бу ишларни "шинҗаңниң тәрәққиятиға һәмдә муқимлиқ вә әминлик қурулушиға алаһидә пайдилиқ" дейилиду. Һалбуки муһаҗирәттики анализчилар бу һәқтә пикир қилип "бу хитай һөкүмитиниң мустәмликичилик һакимийити үчүн кадирлар қошунини мустәһкәмләш урунушидин башқа нәрсә әмәс" дейишти һәмдә уйғур-хитай тиллиирға мукәммәл болған миңлиған уйғур алий мәктәп оқуғучилириниң ишсиз йүрүватқанлиқини буниңға дәлил қилишти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт