Явропа парламенти хитайниң бесимиға тез пүкмәйдиғанлиқини билдүрди

Мухбиримиз әркин
2016-09-16
Елхәт
Пикир
Share
Принт

Явропа парламентиниң башлиқи мартен шолиз пәйшәнбә күни фирансийәниң страсбург шәһиридики явропа парламенти бинасида тибәт роһаний даһийси далай ламани күтүвалғандин кейин, хитай һөкүмити явропа парламенти вәкилләр өмикиниң хитай зияритини дәрһал кечиктүргән.

Явропа ахбарат васитилириниң билдүрүшичә, хитай мартен шолизниң далай лама билән көрүшкәнликигә наразилиқ билдүрүп, бу зиярәтни кечиктүргән. Мартен шолизниң ишханиси шу күни елан қилған баянатида, хитайниң қараридин әпсусланғанлиқини билдүрүп, әмма «явропа парламентиниң башлиқи ким билән көрүшүшни өзи қарар қилиштин ибарәт әркин мәйданида давамлиқ чиң туриду, ташқириниң бесимиға тиз чөкмәйду» дегән.

Баянатта йәнә, явропа парламентиниң очуқ вә көп хил пикир еқимларға капаләтлик қилиш үчүн охшимиған көз қараштики өктичиләрни тәклип қилип, давамлиқ күтүвалидиғанлиқини билдүргән. явропа «политико» гезитиниң билдүрүшичә, хитай дипломатийә вәкили явропа парламентиға мартен шолизниң далай лама билән көрүшкәнлики сәвәблик зиярәтниң кечиктүрүлгәнликини йәткүзгән.

Явропа парламентиниң баянатчиси җавми дуч гуйлот зиярәтниң кечиктүрүлгәнликини тәһқиқләп, «биз техи баям хитайниң явропа иттипақида турушлуқ дипломатийә вәкилидин далай ламаниң зиярити сәвәблик явропа парламенти иқтисади вәкилләр өмикиниң хитай зиярити кечиктүрүлгәнликини уқтуқ» дегән.

Явропа парламенти иқтисади, пул -муамилә комитетиниң вәкилләр өмики келәр һәптидики хитай сәпиридә шаңхәй, бейҗиң қатарлиқ шәһәрләрни зиярәт қилатти.

Пикирләр (0)
Share
Толуқ бәт